Page load depends on your network speed. Thank you for your patience. You may also report the error.

Loading...

பேணுபெருந்துறை

திருமுறைத்தலங்கள்

சோழநாட்டு (தென்கரை) த் தலம்.

பேணுபெருந்துறை

திருப்பந்துறை

கும்பகோணம் - காரைக்கால் பேருந்துப் பாதையில் அமைந்துள்ள தலம். (நாச்சியார் கோயிலையடுத்து எரவாஞ்சேரி பாதையில் 1 A.e. தொலைவில் உள்ளது) . கோயில் வரை வாகனங்கள் செல்லும்.

அரிசிலாற்றின் கரையிலுள்ள ஊர். 'திருப்பெருந்துறை' யினின்றும் வேறுபாடறிய 'பேணு' என்னும் அடைசேர்த்துப் 'பேணு பெருந்தறை' என்று வழங்கப்படுகிறது.

இறைவன் - சிவானந்தேஸ்வரர், பிரணவேஸ்வரர்.

இறைவி - மங்களாம்பிகை, மலையரசி.

தலமரம் - வன்னி.

தீர்த்தம் - மங்கள தீர்த்தம். எதிரில் உள்ளது.

சம்பந்தர் பாடல் பெற்றது.

பிரமன், உமாதேவி, முருகன் ஆகியோர் வழிபட்ட சிறப்புடையது. கிழக்கு நோக்கிய சிறிய ராஜகோபுரம், கொடிமரம் நந்தி பலிபீடம் உள்ளன. பிராகாரத்தில் விநாயகர், நால்வர், சோழ மன்னன் மனைவி ஆகியோர் உளர். உற்சுற்றில் விநாயகர், முருகன், கஜலட்சுமி, நவக்கிரக சந்நிதிகள். சுவாமி சந்நிதியில் பழைமையான முருகப் பெருமான் உருவமுள்ளது.

சின்முத்திரையுடன் தியான நிலையிலுள்ள தண்டபாணி அருமையான திருமேனி. அம்பாள் சந்நிதி தெற்கு நோக்கியது. கோஷ்டங்களில் நர்த்தன விநாயகர், தட்சிணாமூர்த்தி, லிங்கோற்பவர், பிரம்மா, துர்க்கை உள்ளனர். தலமரம் வன்னி. மிகப் பழைமையானது. மங்கள தீர்த்தக் கரையில் இரட்டை விநாயகர் சந்நிதி உள்ளது. இக்கோயிலில் உள்ள பிக்ஷ£டனர் மிகச் சிறப்பான மூர்த்தியாவார். இவருக்குச் சித்திரை பரணியில் அமுதுபடையல் நடைபெறுகிறது.

செங்கற் கோயிலாக இருந்த இக்கோயில் கரிகாற்சோழன் காலத்தில் கற்கோயிலாயிற்று என்றொரு கல்வெட்டு தெரிவிக்கின்றது. மற்றும் சுவாமி புறப்பாட்டிற்கு ஒரு மாது நிலமளித்த நிவந்தமும் கல்வெட்டால் தெரிகின்றது. கல்வெட்டில் சுவாமி "பேணு பெருந்துறை மகாதேவர்" என்றும் அம்பிகை "மலையரசியம்மை" என்றும் குறிப்பிடப்பட்டுள்ளனர்.

"பைம்மா நாகம் பன்மலர் கொன்றை

பன்றிவெண் கொம்பொன்று பூண்டு

செம்மாந்தையம் பெய்கென்று சொல்லிச்

செய் தொழில் பேணியோர் செல்வர்

அம்மானோக்கிய அந்தளிர் மேனி

அரிவையோர் பாகமமர்ந்த

பெம்மானல்கயி தொல் புகழாளர்

பேணு பெருந்துறையாரே". (சம்பந்தர்)

-"மந்தணத்தைக்

காணு மருந்துறையிக் காமர் தலம் என்றெவரும்

பேணு பெருந்துறையில் பெம்மானே." (அருட்பா)

அஞ்சல் முகவரி -

அருள்மிகு. சிவானந்தேஸ்வரர் திருக்கோயில்

திருப்பந்துறை - நாச்சியார் கோயில் அஞ்சல்

கும்பகோணம் வட்டம் - தஞ்சை மாவட்டம். 612 602.






































 


 


 





















 




 

Previous page in  கட்டுரைகள் - திருமுறைத்தலங்கள்  is கருவிலிக்கொட்டிட்டை
Previous
Next page in கட்டுரைகள் - திருமுறைத்தலங்கள்  is  திருநறையூர்சித்தீச்சரம்
Next
htmltitle
UPDATE on 13 July 2017:

Thanks to the devotees at dheivathinkural.wordpress.com, many corrections have been incorporated on these pages. If you find an error, please help us by reporting it