মীনাক্ষীপঞ্চরত্নম

 

উদ্য়দ্ভানুসহস্রকোটিসদৃশাং কেয়ূরহারোজ্জ্বলাং

বিম্বোষ্ঠীং স্মিতদন্তপংক্তিরুচিরাং পীতাম্বরালঙ্কৃতাম|

বিষ্ণুব্রহ্মসুরেন্দ্রসেবিতপদাং তত্ত্বস্বরূপাং শিবাং

মীনাক্ষীং প্রণতোঽস্মি সংততমহং কারুণ্য়বারান্নিধিম||১||

 

মুক্তাহারলসত্কিরীটরুচিরাং পূর্ণেন্দুবক্ত্রপ্রভাং

শিঞ্জন্নূপুরকিঙ্কিণীমণিধরাং পদ্মপ্রভাভাসুরাম|

সর্বাভীষ্টফলপ্রদাং গিরিসুতাং বাণীরমাসেবিতাং

মীনাক্ষীং প্রণতোঽস্মি সংততমহং কারুণ্য়বারান্নিধিম||২||

 

শ্রীবিদ্য়াং শিববামভাগনিলয়াং হ্রীকারমন্ত্রোজ্জ্বলাং

শ্রীচক্রাঙ্কিত বিন্দুমধ্য়বসতিং শ্রীমত্সভানায়কীম|

শ্রীমত্ষণ্মুখবিষ্ণুরাজজননীং শ্রীমজ্জগন্মোহিনীং

মীনাক্ষীং প্রণতোঽস্মি সংততমহং কারুণ্য়বারান্নিধিম||৩||

 

শ্রীমত্সুন্দরনায়কীং ভয়হরাং জ্ঞানপ্রদাং নির্মলাং

শ্য়ামাভাং কমলাসনার্চিতপদাং নারায়ণস্য়ানুজাম|

বীণাবেণুমৃদঙ্গবাদ্য়রসিকাং নানাবিধাডম্বিকাং

মীনাক্ষীং প্রণতোঽস্মি সংততমহং কারুণ্য়বারান্নিধিম||৪||

 

নানায়োগিমুনীন্দ্রহৃন্নিবসতিং নানার্থসিদ্ধপ্রদাং

নানাপুষ্পবিরাজিতাঙ্ঘ্রিয়ুগলাং নারায়ণেনার্চিতাম|

নাদব্রহ্মময়ীং পরাত্পরতরাং নানার্থতত্ত্বাত্মিকাং

মীনাক্ষীং প্রণতোঽস্মি সংততমহং কারুণ্য়বারান্নিধিম||৫||  

                         

জয় জয় শঙ্কর হর হর শঙ্কর