ಗೌರೀದಶಕಮ್
ಲೀಲಾರಬ್ಧಸ್ಥಾಪಿತಲುಪ್ತಾಖಿಲಲೊಕಾಂ
ಲೊಕಾತೀತೈರ್ಯೋಗಿಭಿರನ್ತಶ್ಚಿರಮೃಗ್ಯಾಮ್|
ಬಾಲಾದಿತ್ಯಶ್ರೆಣಿಸಮಾನದ್ಯುತಿಪುಂಜಾಂ
ಗೌರೀಮಮ್ಬಾಮಮ್ಬುರುಹಾಕ್ಷೀಮಹಮೀಡೆ||೧||
ಪ್ರತ್ಯಾಹಾರಧ್ಯಾನಸಮಾಧಿಸ್ಥಿತಿಭಾಜಾಂ
ನಿತ್ಯಂ ಚಿತ್ತೇ ನಿರ್ವೃತಿಕಾಷ್ಟಾಂ ಕಲಯಂತೀಮ್|
ಸತ್ಯಜ್ಞಾನಾನನ್ದಮಯೀಂ ತಾಂ ತನುರೂಪಾಂ
ಗೌರೀಮಮ್ಬಾಮಮ್ಬುರುಹಾಕ್ಷೀಮಹಮೀಡೆ||೨||
ಚನ್ದ್ರಾಪೀಡಾನನ್ದಿತಮನ್ದಸ್ಮಿತವಕ್ತ್ರಾಂ
ಚನ್ದ್ರಾಪೀಡಾಲಂಕೃತನೀಲಾಲಕಶೊಭಾಮ್|
ಇಂದ್ರೊಪೆಂದ್ರಾದ್ಯರ್ಚಿತಪಾದಾಮ್ಬುಜಯುಗ್ಮಾಂ
ಗೌರೀಮಮ್ಬಾಮಮ್ಬುರುಹಾಕ್ಷೀಮಹಮೀಡೆ||೩||
ಆದಿಕ್ಷಾನ್ತಾಮಕ್ಷರಮೂರ್ತ್ಯಾ ವಿಲಸನ್ತೀಂ
ಭೂತೆ ಭೂತೆ ಭೂತಕದಂಬಪ್ರಸವಿತ್ರೀಮ್|
ಶಬ್ದಬ್ರಹ್ಮಾನಂದಮಯೀಂ ತಾಂ ತಟಿದಾಭಾಂ
ಗೌರೀಮಂಬಾಮಂಬುರುಹಾಕ್ಷೀಮಹಮೀಡೇ||೪||
ಮೂಲಾಧಾರಾದುತ್ಥಿತವೀಥ್ಯಾ ವಿಧಿರನ್ಧ್ರಂ
ಸೌರಂ ಚಾನ್ದ್ರಂ ವ್ಯಾಪ್ಯ ವಿಹಾರಜ್ವಲಿತಾಙ್ಗೀಮ್|
ಯೇಯಂ ಸೂಕ್ಷ್ಮಾತ್ಸೂಕ್ಷ್ಮತನುಸ್ತಾಂ ಸುಖರೂಪಾಂ
ಗೌರೀಮಂಬಾಮಮ್ಬುರುಹಾಕ್ಷೀಮಹಮೀಡೇ||೫||
ನಿತ್ಯಃ ಶುದ್ಧೋ ನಿಷ್ಕಲ ಎಕೋ ಜಗದೀಶಃ
ಸಾಕ್ಷೀ ಯಸ್ಯಾಃ ಸರ್ಗವಿಧೌ ಸಂಹರಣೇ ಚ|
ವಿಶ್ವತ್ರಾಣಕ್ರೀಡನಲೋಲಾಂ ಶಿವಪತ್ನೀಂ
ಗೌರೀಮಮ್ಬಾಮಮ್ಬುರುಹಾಕ್ಷೀಮಹಮೀಡೇ||೬||
ಯಸ್ಯಾಃ ಕುಕ್ಷೌ ಲೀನಮಖಣ್ಡಂ ಜಗದಣ್ಡಂ
ಭೂಯೋಭೂಯಃ ಪ್ರಾದುರಭೂದುತ್ಥಿತಮೇವ|
ಪತ್ಯಾ ಸಾರ್ಧಂ ತಾಂ ರಜತಾದ್ರೌ ವಿಹರನ್ತೀಂ
ಗೌರೀಮಮ್ಬಾಮಮ್ಬುರುಹಾಕ್ಷೀಮಹಮೀಡೇ||೭||
ಯಸ್ಯಾಮೋತಂ ಪ್ರೋತಮಶೇಷಂ ಮಣಿಮಾಲಾ
ಸೂತ್ರೇ ಯದ್ವತ್ ಕ್ವಾಪಿ ಚರಂ ಚಾಪ್ಯಚರಂ ಚ|
ತಾಮಧ್ಯಾತ್ಮಜ್ಞಾನಪದವ್ಯಾ ಗಮನೀಯಾಂ
ಗೌರೀಮಮ್ಬಾಮಮ್ಬುರುಹಾಕ್ಷೀಮಹಮೀಡೇ||೮||
ನಾನಾಕಾರೈಃ ಶಕ್ತಿಕದಮ್ಬೈರ್ಭುವನಾನಿ
ವಾಪ್ಯ ಸ್ವೈರಂ ಕ್ರೀಡತಿ ಯೇಯಂ ಸ್ವಯಮೇಕಾ|
ಕಲ್ಯಾಣೀಂ ತಾಂ ಕಲ್ಪಲತಾಮಾನತಿಭಾಜಾಂ
ಗೌರೀಮಮ್ಬಾಮಮ್ಬುರುಹಾಕ್ಷೀಮಹಮೀಡೇ||೯||
ಆಶಾಪಾಶಕ್ಲೇಶವಿನಾಶಂ ವಿದಧಾನಾಂ
ಪಾದಾಮ್ಭೋಜಧ್ಯಾನಪರಾಣಾಂ ಪುರುಷಾಣಾಮ್|
ಈಶಾಮೀಶಾರ್ಧಾಙ್ಗಹರಾಂ ತಾಮಭಿರಾಮಾಂ
ಗೌರೀಮಮ್ಬಾಮಮ್ಬುರುಹಾಕ್ಷೀಮಹಮೀಡೇ||೧೦||
ಪ್ರಾತಃಕಾಲೇ ಭಾವವಿಶುದ್ಧಃ ಪ್ರಣಿಧಾನಾ-
ದ್ಭಕ್ತ್ಯಾ ನಿತ್ಯಂ ಜಲ್ಪತಿ ಗೌರೀದಶಕಂ ಯಃ|
ವಾಚಾಂ ಸಿದ್ಧಿಂ ಸಂಪದಮಗ್ರ್ಯಾಂ ಶಿವಭಕ್ತಿಂ
ತಶ್ಯಾವಶ್ಯಂ ಪರ್ವತಪುತ್ರೀ ವಿದಧಾತಿ||೧೧||
ಜಯ ಜಯ ಶಙ್ಕರ ಹರ ಹರ ಶಙ್ಕರ