গৌরীদশকম

 

লীলারব্ধস্থাপিতলুপ্তাখিললোকাং

লোকাতীতৈর্য়োগিভিরন্তশ্চিরমৃগ্য়াম|

বালাদিত্য়শ্রেণিসমানদ্য়ুতিপুংজাং

গৌরীমম্বামম্বুরুহাক্ষীমহমীডে||১||

 

প্রত্য়াহারধ্য়ানসমাধিস্থিতিভাজাং

নিত্য়ং চিত্তে নির্বৃতিকাষ্টাং কলয়ংতীম|

সত্য়জ্ঞানানন্দময়ীং তাং তনুরূপাং

গৌরীমম্বামম্বুরুহাক্ষীমহমীডে||২||

 

চন্দ্রাপীডানন্দিতমন্দস্মিতবক্ত্রাং

চন্দ্রাপীডালংকৃতনীলালকশোভাম|

ইংদ্রোপেংদ্রাদ্য়র্চিতপাদাম্বুজয়ুগ্মাং

গৌরীমম্বামম্বুরুহাক্ষীমহমীডে||৩||

 

আদিক্ষান্তামক্ষরমূর্ত্য়া বিলসন্তীং

ভূতে ভূতে ভূতকদংবপ্রসবিত্রীম|

শব্দব্রহ্মানংদময়ীং তাং তটিদাভাং

গৌরীমংবামংবুরুহাক্ষীমহমীডে||৪||

 

মূলাধারাদুত্থিতবীথ্য়া বিধিরন্ধ্রং

সৌরং চান্দ্রং ব্য়াপ্য় বিহারজ্বলিতাঙ্গীম|

য়েয়ং সূক্ষ্মাত্সূক্ষ্মতনুস্তাং সুখরূপাং

গৌরীমংবামম্বুরুহাক্ষীমহমীডে||৫||

 

নিত্য়ঃ শুদ্ধো নিষ্কল একো জগদীশঃ

সাক্ষী য়স্য়াঃ সর্গবিধৌ সংহরণে চ|

বিশ্বত্রাণক্রীডনলোলাং শিবপত্নীং

গৌরীমম্বামম্বুরুহাক্ষীমহমীডে||৬||

 

য়স্য়াঃ কুক্ষৌ লীনমখণ্ডং জগদণ্ডং

ভূয়োভূয়ঃ প্রাদুরভূদুত্থিতমেব|

পত্য়া সার্ধং তাং রজতাদ্রৌ বিহরন্তীং

গৌরীমম্বামম্বুরুহাক্ষীমহমীডে||৭||

 

য়স্য়ামোতং প্রোতমশেষং মণিমালা

সূত্রে য়দ্বত ক্বাপি চরং চাপ্য়চরং চ|

তামধ্য়াত্মজ্ঞানপদব্য়া গমনীয়াং

গৌরীমম্বামম্বুরুহাক্ষীমহমীডে||৮||

 

নানাকারৈঃ শক্তিকদম্বৈর্ভুবনানি

বাপ্য় স্বৈরং ক্রীডতি য়েয়ং স্বয়মেকা|

কল্য়াণীং তাং কল্পলতামানতিভাজাং

গৌরীমম্বামম্বুরুহাক্ষীমহমীডে||৯||

 

আশাপাশক্লেশবিনাশং বিদধানাং

পাদাম্ভোজধ্য়ানপরাণাং পুরুষাণাম|

ঈশামীশার্ধাঙ্গহরাং তামভিরামাং

গৌরীমম্বামম্বুরুহাক্ষীমহমীডে||১০||

 

প্রাতঃকালে ভাববিশুদ্ধঃ প্রণিধানা-

দ্ভক্ত্য়া নিত্য়ং জল্পতি গৌরীদশকং য়ঃ|

বাচাং সিদ্ধিং সংপদমগ্র্য়াং শিবভক্তিং

তশ্য়াবশ্য়ং পর্বতপুত্রী বিদধাতি||১১||

 

 

                        জয় জয় শঙ্কর হর হর শঙ্কর