కామకోటి మహాపీఠ కామాక్షీ పూతమూర్తయే

చంద్రశేఖర రూపాయ భక్త తీర్ధాయతేనమః

యద్భారతీయ సర్వస్వం సంస్కృతేఃమూలకారణం

సారాజతే కామకోటిః శ్రీ కాంచీపుర సుందరీ.

కామానాం యా పరాకాష్ఠా కామధుక్కామలోచనా

కామకోటి ర్విజయతే చంద్రశేఖర సుందరీ-

కామైః పరంకోటితానాం కామంసంసరతాం సదా

కామాంస్తు కోటయత్యేషా కామకోటి స్త్రయీమయీ

ఋషిభిర్ద ర్శితంప్రాంచం వేదమూలం జగద్ధితం

ధర్మమర్ధం వితనుతే కామకోటి సరస్వతీ.

పరకీయ మతోద్బోధై ర్నూనం పరవశీకృతాన్‌

అలముద్ధర్తు మేషైవ కామకోటి సరస్వతీ-

ఇడా సరస్వతీ భారతీ దేవ్యః వేదవిశ్రుతాః

తత్త త్స్వరూప మహతీ కామకోటి సరస్వతీ-

ఈ డ్యతే కర్మసు సదా భారతీయై ర్గృహే గృహే

ఇడేయం దేవహౌర్విద్యా కామకోటి సరస్వతీ

జీవేశ్వరా వశ్వినౌ తౌయత్సంపృక్తా సరస్వతీ

తదనన్యత్వ సంధాత్రీ కామకోటి సరస్వతీ-

యాభారతీ తత్త్వయయీ స్వస్థా సామస్వరూపిణీ

సైవేయం భారతీవిద్యా కామకోటి సరస్వతీ-

అసందిగ్ధా స్మృతిరియం శృతిశ్శ్రీరమృతాసతాం

నిధిరద్వైత తత్త్వస్య కామకోటి సరస్వతీ-

కామకోటి మహాపీఠ వాసినీం కామి తార్ధదాం

వందేమహి చతాం దేవీం చంద్రశేఖర సుందరీం

కామాన్‌ వరం కోటయన్తీం కామం ధర్మావిరోధినమ్‌

కల్పయన్తీం కామకోటిం వందే కాంచీపుర ప్రభామ్‌

పరార్ధ జీవినాంనైవ విశాన్తి రితి బోధితుమ్‌

దేశే దేశే సంచరన్తీం వన్దే కాంచీపురప్రభామ్‌

దేవాలయో వేదశిల్పమితి బోధయితుం ముహుః

నిర్వహన్తీం శిల్పసదః వందే కాంచీపురప్రభామ్‌

గజేగవిచ పూజ్యత్వంశ్రుత్యుక్తం బోధితుంస్వయమ్‌

పూజయన్తీం గజం గాంచ వందేకాంచీపురప్రభామ్‌

శ్రుతిర్యేవం వేదేతిబ్రూతే యత్తత్త్వ మద్వయమ్‌

బోధయన్తీం తత్త దర్ధం వందేకాంచీపురప్రభామ్‌

కుమారః ప్రథమాం వాచం తత్తతేతి బ్రవీతి యామ్‌

త త్స్వరూప ప్రకాశాం తాం వందే కాంచీపురప్రభామ్‌.

యావచ్చ విష్టితం బ్రహ్మ తావతీ వాగితిశ్రుతిః

తద్వాక్స్వ రూపమహతీం వందేకాంచీపురప్రభామ్‌.

(హరి సోదరులు)

Maa Swami    Chapters