Bharatiya Samaikyatha Murthy    Chapters    Last Page

2. కనకధారా స్తోత్రమ్‌

వన్దే వన్దారు మన్దార మిన్దిరానన్దకన్దలమ్‌,

అమందానంద సన్దోహబన్దురం సిన్దురాననమ్‌

అంగం హరేః పులకభూషణ మాశ్రయంతీ

భృంగాంగనేవ ముకులాభరణం తమాలమ్‌|

అంగీకృతాఖిలవిభూతి రపాంగలీలా

మాంగల్యదాస్తు మమ మంగళ దేవతాయాః||

ముగ్దా ముహూర్విదధతీ పదనే మురారేః

ప్రేమ త్రపా ప్రణిహితాని గతాగతాని|

మాలాదృశోర్మధుకరీవ మహోత్పలేయా

సామే శ్రియం దిశతు సాగర సంభవాయాః||

విశ్వామరేంద్ర పదవిభ్రమదానదక్ష

మానందహేతురధికం మురవిద్విషోపి|

ఈషన్నిషీదతు మయి క్షణమీక్షణార్దం

ఇందీవరోదరసహోదరమిందిరాయాః||

ఆమీలితాక్షమధిగమ్య ముదా ముకుంద

మానంద కందమనిమేషమనంగ తంత్రమ్‌|

ఆకేకరస్థిత కనీనిక పక్ష్మ నేత్రం

భూత్యైభ##వేన్మమ భుజంగశయాంగనాయాః||

కాలాంబుదాలిలలితోరసి కైటభారేః

ధారాధరే స్పురతి యా తటిదంగనేవ|

మాతుః సమస్తజగతాం మహానీయమూర్తిః

భద్రాణి మే దిశతు భార్గవనందనాయాః||

బాహ్వంతరే మురజితః శ్రితకౌస్తుభే యా

హారవలీవ హరినీలమయి విభాతి|

కామప్రదా భగవతోపి కటాక్షమాలా

కల్యాణమావహతు మే కమలాలయాయాః||

ప్రాప్తం పదం ప్రథమతః కిల యత్ప్రభావాత్‌

మాంగల్యభాజి మధుమాథిని మన్మథేన|

మయ్యాపతేత్తదిహ మంథరమీక్షణార్దం

మందాలసం చ మరకాలయకన్యకాయాః||

దద్యార్దయానుపవనో ద్రవిణాంబుధారా

మస్మిన్నకించన విహంగశిశౌ విషణ్ణ|

దుష్కర్మఘర్మమపనీయ చిరాయ దూరం

నారాయణ ప్రణయినీ నయనాంబువాహః||

ఇష్ట్యా విశిష్ట మతయోపి యయాదయార్ద్ర

దృష్ట్యా త్రివిష్టపపదం సులభం లభంతే|

దృష్టిః ప్రహృష్ట కమలోదర దీప్తిరిష్టాం

పుష్టిం కృపీష్ట మమ పుష్కరవిష్టరాయాః||

గీర్దేవతేతి గరుడధ్యజసుందరీతి

శాకంభ##రేతి శశిశేఖరవల్లభేతి|

సృష్టి స్థితి ప్రళయకేళిషు సంస్థితా యా

తసై#్య నమస్త్రిభువనైక గురోస్తరుణ్యౖ||

శ్రుత్యై నమోస్తు శుభకర్మ ఫల ప్రసూత్యై

రత్యై నమోస్తు రమణీయ గుణార్ణవాయై|

శ##క్త్యై నమోస్తు శత పత్రనికేతనాయై

పుష్ట్యై నమోస్తు పురుషోత్తమ వల్లభాయై||

నమోస్తు నాళీక నిభాననాయై

నమోస్తు దుగ్దోదధిజన్మభూమ్యై|

నమోస్తు సోమామృత సోదరాయై

నమోస్తు నారాయణ వల్లభాయై||

సంపత్కరాణి సకలేంద్రియ నందనాని

సామ్రాజ్యదాన విభవాని సరోరుహాక్షి|

త్వద్వన్దనాని దురితాహరణోద్యతాని

మామేవ మాతరనిశం కలయంతు మాన్యే||

యత్కటాక్షసముపాసనావిధిః

ఏవకస్య సకలార్థ సంపదః|

సంతనోతి వచనాంగమానసై

స్త్వాం మురారి హృదయేశ్వరీం భ##జే||

సరసిజనిలయే సరోజ హస్తే

ధవళ తమాంశుక గంథ మాల్య శోభే|

భగవతి హరివల్లభే మనోజ్ఞే

త్రిభువన భూతికరి ప్రసీద మహ్యమ్‌||

దిగ్ఘస్తిభిః కనక కుంభముఖావసృష్ట

స్వర్వాహినీ విమలచారు జలప్లుతాంగీమ్‌|

ప్రాతర్నమామి జగతాం జననీమశేష

లోకాధినాథ గృహిణీ మమృతాబ్ది పుత్రీమ్‌||

కమలే కమలాక్ష వల్లభే

త్వం కరుణాపూర తరంగితై రపాంగైః|

అవలోకయ మామకించనానాం

ప్రథమం పాత్రమకృత్తిమం దయాయాః||

స్తువంతి యే స్తుతిరమూభిరన్వహం

త్రయిమయిం త్రిభువనమాతరం రమామ్‌|

గుణాధికా గురుతర భాగ్యభాగినో

భవంతి తే భువి బుధ భావితాశయాః||

ఇతి శ్రీశంకర భగవత్పాద విరచిత

కనకధారాస్తోత్రమ్‌ సంపూర్ణమ్‌

Bharatiya Samaikyatha Murthy    Chapters    Last Page