Varahamahapuranam-1
Chapters
నవనవతితమో೭ధ్యాయః - తొంబది తొమ్మిదవ అధ్యాయము హోతా ఉవాచ - హోత పలికెను. జలధేనుం ప్రవక్ష్యామి పుణ్య೭హ్ని విధిపూర్వకమ్‌, గోమయే మండలం కృత్వా గోచర్మ తదనన్తరమ్‌.
1 తత్ర మధ్యే చ రాజేన్ధ్ర పూర్ణకుంభంతు విన్యసేత్‌, జలపూర్ణం సుగంధాడ్యం కర్పూరాగురు చన్దనైః, వాపితం గంధతోయేన తాం ధేనుం పరికల్పయేత్‌.
2 రాజా! జలధేనువును గూర్చి చెప్పెదను పుణ్యదినమున విధిపూర్వకముగా గోమయముతో మండలముచేసి దానిపై గోవు చర్మమును ఉంచి దానినడుమ పూర్ణకుంభమును ఉంచవలయును. గంధముతో, కర్పూరము, అగురు, చందనము అనువాని సువాసన గల నీరునింపి ఆ ధేనువును ఏర్పరుపవలయును. వత్సం తథాపరం కల్ప్య ఘృతేన పరిపూరితమ్‌, వర్ధనీకం మహారాజ పత్ర పుషై#్పః సమన్వితమ్‌, దుర్వాఙ్కురై రుపస్తీర్య స్రగ్దామైశ్చ విభూషితమ్‌.
3 అట్లే మరియొక కుంభమును నేతితో నింపి ఆకులతో పూవులతో అలంకరింపవలయును. గరికమొలకలను క్రిందనుంచ వలయును. పూలమాలలతో అలంకరింపవలయును. పఞ్చరత్నాని నిక్షిప్య తస్మిన్‌ కుంభే నరాధిప, మాంసీ ముశీరం కుష్ఠంచ తథాశైలేయ వాలుకమ్‌.
4 అయిదు రత్నములను ఆ కుంభమున నుంచవలయును. అట్లే మాంసి, ఉశీరము, కుష్ఠము, కొండమట్టి అను వానిని అందు నిలుపవలయును. (మాంసి - జటామాంసి అను మూలిక; ఉశీరము- వట్టివేరు; కుష్ఠము - చెంగల్వకోష్టు; శైలేయవాలుకము - కొండఏటిలోని ఇసుక). ఆమలాః సర్షపాః శ్వేతాః సర్వధాన్యాని పార్థివ, చతు ర్దిక్ష్వపి పాత్రాణి చత్వార్యేవ ప్రకల్పయేత్‌.
5 దానిలో ఆమలములు, తెల్లనువ్వులు, సర్వధాన్యములు ఉంచవలయును. నాలుగుదిక్కులందును నాలుగు పాత్రలను పెట్టవలయును. (ఆమలము - ఉసిరికకాయ) ఏకం ఘృతమయం పాత్రం ద్వితీయం దధిపూరితమ్‌, తృతీయం మధునశ్చైవ చతుర్థం శర్కరావృతమ్‌.
6 ఒకటి నేతి పాత్ర, రెండవది పెరుగు పాత్ర, మూడవది తేనెపాత్ర, నాలుగవది చక్కెరగిన్నె. సువర్ణముఖచక్షూంసి శృజ్గాః కృష్ణాగురుషు చ, ప్రశస్త పత్ర శ్రవణాం ముక్తాఫలమయేక్షణామ్‌.
7 తామ్రపృష్ఠాం కాంస్యదోహాం దర్భరోమసమన్వితామ్‌, పుచ్ఛం సూత్రమయం కృత్వా కృష్ణాభరణ ఘంటికామ్‌.
8 బంగారుమొగము, నల్లని అగురుతో చేసిన కొమ్ములు, మేలైన ఆకులచెవులు, ముత్యములతో చేసినచూపులు, ఎఱ్ఱని పిరుదు, కంచుపాత్ర దర్భలే వెండ్రుకలు, త్రాటితో తోక, నల్లని ఆభరణములు, గంటలు కలిగిన ఆవును చేయవలయును. కంబలే పుష్పమాలాం చ గుడాస్యాం శుక్తిదన్తికామ్‌, జిహ్వాం శర్కరయా కృత్వా నవనీతేన చ స్తనమ్‌, ఇక్షుపాదాం తు రాజేన్ధ్ర గంధపుష్పోపశోభితామ్‌.
9 గంగడోలునందు పూలమాల నుంచవలయును. బెల్లపు మొగము, ముత్యపుచిప్పలదంతములు, చక్కెరతో నాలుక, వెన్నతో పొదుగు, చెరకుగడలతో కాళ్లు కల ఆవునుచేసి సర్వాభరణములతో అలంకరింపవలయును. కృష్ణాజినోపరి స్థాప్య వసై#్త్ర రాచ్ఛాదితం తు తామ్‌, గంధపుషై#్పః సమభ్యర్చ్య విప్రాయ వినివేదయేత్‌. 10 నల్లనిలేడి చర్మము పైనుండి వస్త్రములతో కప్పి గంధ పుష్పములతో చక్కగా పూజచేసి దానిని విప్రునకు సమర్పింప వలయును. ఏవం ధేనుం తదా దత్వా బ్రాహ్మణ వేదపారగే, సాధు విప్రాయ రాజేన్ద్ర శ్రోత్రియా యాహితాగ్నయే, తపోవృద్ధే వయోవృద్ధే దాతవ్యం చ కుటుంబినే. 11 వేదముతుదిదాక అధ్యయనము చేసినవాడు, సాధువు, శ్రోత్రియుడు, ఆహితాగ్ని, తపస్సుచేతను, వయస్సుచేతను పెద్దవాడు, కుటుంబము కలవాడు అగు బ్రాహ్మణునకు ఆ ధేనువును దానము చేయవలయును. యో దదాతి నరో రాజన్‌ పశ్యతి చ శృణోతి చ, ప్రతిగృహ్ణాతి యో విప్రః సర్వే తరన్తి దుష్కృతమ్‌. 12 రాజా! ఇట్లు దానముచేయువాడు, చూచువాడు, వినువాడు, పుచ్చుకొనువాడగు విప్రుడు - వీరందరు పాపమునుండి దాటుదురు. బ్రహ్మహా దన్యుహా గోఘ్నః సురాపో గురుతల్పగః, విముక్తః సర్వపాపైస్తు విష్ణులోకం స గచ్ఛతి. 13 బ్రహ్మహత్య, క్రూరహత్య, గోహత్య అనునవి చేసినవాడు, మద్యము త్రావువాడు గురుపత్నిని చెరచినవాడును సర్వపాపముల నుండియు దీనివలన విముక్తుడగును. విష్ణులోకమున కరుగును. యో೭శ్వమేధేన యజతే సమాప్త వరదక్షిణః, జలధేనుం చ యో దద్యాత్‌ సమమేత న్నరాధిప. 14 రాజా! అశ్వమేధయాగమును, శ్రేష్ఠమగు దక్షిణలతో పూర్తి చేసినవాడును, జలధేనువును దానమొసగినవాడును సమానులే. జలాహారస్త్వేకదినం తిష్ఠేచ్చ జలధేనుదః, అథ పయోవ్రత స్తిష్ఠే దేకాహం వ్రతమాస్థితః, గ్రాహకో೭పి త్రిరాత్రం వై తిష్ఠే దేవం న సంశయః. 15 ఈ జలధేనుదానము చేయువాడు ఒకదినము జలాహారము. ఒకదినము పాల ఆహారమును మాత్రమే పుచ్చుకొని వ్రతమాచరింప వలయును. దానము పుచ్చుకొనువాడు గూడ మూడు రాత్రులు ఇట్లే ఉండవలయును. యత్ర క్షీరవహా సద్యో మధుపాయస కర్దమాః, యత్ర చాప్సరసాం గీతం తత్ర యాన్తి జలప్రదాః. 16 ఈ జలధేనుదానము చేయువారు పాలతోప్రవహించు నదులు, తేనె, పాయసములసమృద్ధి, అప్సరసల పాటలు గల పుణ్య లోకముల కరుగుదురు. దాతా చ దాపక శ్చైవ ప్రతిగ్రాహీ చ యో ద్విజః, సర్వ పాపవినిర్ముక్తో విష్ణుమేతి న సంశయః. 17 ఇచ్చువాడు, ఇప్పించువాడు, పుచ్చుకొను బ్రాహ్మణుడును అన్ని పాపములను రూపుమాపుకొని విష్ణులోకమున కరుగుదురు. సంశయము లేదు. జలధేను విధానం యః శృణుయాత్‌ కీర్తయేత వా, సర్వపాప వినిర్ముక్తః స్వర్గ మేతి జితేన్ధ్రియః. 18 ఈ జలధేను విధానమును గూర్చి విన్నవాడును, పలికిన వాడును, పాపములన్నింటిని పోగొట్టుకొని ఇంద్రియములను గెలిచిన వాడై స్వర్గమున కరుగును. ఇతి శ్రీ వరాహపురాణ భగవచ్ఛాస్త్రే నవనవతితమో೭ధ్యాయః ఇది శ్రీవారహపురాణమను భగవచ్ఛాస్త్రమున తొంబదితొమ్మిదవ అధ్యాయము.