Page load depends on your network speed. Thank you for your patience. You may also report the error.

Loading...

வீடுமின்

ஸ்ரீ நாலாயிர திவ்வியப் பிரபந்தம்

திருவாய்மொழி

முதற்பத்து

வீடுமின்

'உடல் நிலையானது அன்று என்றறிந்து, மனம், வாக்கு, செயல்களை பகவானுக்கே இட்டு, அகங்காரம் பற்று முதலியவற்றை நீக்கி, உயர்வற உயர் நலமுடைய ஸ்ரீமந்நாராயணனின் திருவடிகளை ஆச்ரயிங்கள்' ¢என்று ஆழ்வார் ஈண்டு உபதேசிக்கிறார்.

வஞ்சித்துறை

பகவானைத் தவிர மற்ற எல்லாவற்றையும் விட்டுவிடுங்கள்

2686. வீடுமின் முற்றவும், - வீடுசெய்து, உம்முயிர்

வீடுடை யானிடை, - வீடு செய்ம்மினே.

ஆக்கைகள் நிலையில் பகவானை நினை

2687. மின்னின் நிலையில், - மன்னுயி ராக்கைகள்,

என்னு மிடத்து,இறை - உன்னுமின் நீரே.

இறையைச் சேர்மின்

2688. நீர்நும தென்றிவை, - வேர்முதல் மாய்த்து, இறை

சேர்மின் உயிர்க்கு, அத - னேர்நிறை யில்லே.

எம்பெருமானைப் பற்று

2689. இல்லது முள்ளதும், - அல்ல தவனுரு,

எல்லையி லந்நலம், - புல்குபற் றற்றே.

பற்று நீங்கினால் ஆத்மா மோக்ஷம் பெறும்

2690. அற்றது பற்றெனில், - உற்றது வீடுயிர்,

செற்றது மன்னுறில், - அற்றிறை பற்றே.

பகவான் எல்லாப் பொருள்களாகவும் இருக்கிறான்.

2691. பற்றில னீசனும், - முற்றவும் நின்றனன்,

பற்றிலை யாய்,அவன் - முற்றி லடங்கே.

எல்லா ஐசுவர்யங்களும் அவளே

2692. அடங்கெழில் சம்பத்து,- அடங்கக்கண்டு, ஈசன்

அடங்கெழி லஃதன்று, - அடங்குக வுள்ளே.

மனோவாக்குக் காயங்களைப் பகவானிடம் செலுத்து

2693. உள்ளமு ரைசெயல், - உள்ளவிம் மூன்றையும்,

உள்ளிக் கெடுத்து,இறை - யுள்ளிலொ டுங்கே.

உடல் நீங்கும் நாளை எதிர்பார்த்திரு

2694. ஒடுங்க அவன்கண், - ஒடுங்கலு மெல்லாம்,

விடும்பின்னு மாக்கை, - விடும்பொழு தெண்ணே

நாரணன் கழல் சேர்

2695. எண்பெருக் கந்நலத்து, - ஒண்பொரு ளீறில,

வண்புகழ் நாரணன், - திண்கழல் சேரே

இப்பத்துப் பாடல்களும் நன்மை தரும்

2696. சேர்த்தடத், தென்குரு - கூர்ச்சட. கோபன்சொல்,

சீர்த்தொடை யாயிரத்து, - ஒர்த்தவிப் பத்தே.

நேரிசை வெண்பா

இப்பத்தும் நாரணன் அருளைத் தரும்

வீடுசெய்து மற்றெவையும் மிக்கபுகழ் நாரணன்றாள்,

நாடுநலத் தாலடைய நன்குரைக்கும், - நீடுபுகழ்

வண்குருகூர் மாறனிந்த மாநிலத்தோர் தாம்வாழப்,

பண்புடனே பாடியருள் பத்து.

Previous page in  சுலோகங்கள்/ ஸத் விஷயங்கள்  - ஸ்ரீ நாலாயிர திவ்வியப் பிரபந்தம் (இரண்டாம் பாகம்)  is உயர்வு
Previous
Next page in சுலோகங்கள்/ ஸத் விஷயங்கள்  - ஸ்ரீ நாலாயிர திவ்வியப் பிரபந்தம் (இரண்டாம் பாகம்)  is  பத்துடை
Next
htmltitle
UPDATE on 13 July 2017:

Thanks to the devotees at dheivathinkural.wordpress.com, many corrections have been incorporated on these pages. If you find an error, please help us by reporting it