ಮೀನಾಕ್ಷೀಸ್ತೋತ್ರಮ್
ಶ್ರೀವಿದ್ಯೇ ಶಿವವಾಮಭಾಗನಿಲಯೇ ಶ್ರಿರಾಜರಾಜಾರ್ಚಿತೇ
ಶ್ರೀನಾಥಾದಿಗುರುಸ್ವರೂಪವಿಭವೇ ಚಿಂತಾಮಣೀಪೀಠಿಕೇ|
ಶ್ರೀವಾಣೀಗಿರಿಜಾನುತಾಙ್ಘ್ರಿಕಮಲೇ ಶ್ರೀಶಾಮ್ಭವಿ ಶ್ರೀಶಿವೇ
ಮಧ್ಯಾಹ್ನೇ ಮಲಯಧ್ವಜಾಧಿಪಸುತೇ ಮಾಂ ಪಾಹಿ ಮೀನಾಮ್ಬಿಕೇ||೧||
ಚಕ್ರಸ್ಥೇಽಚಪಲೇ ಚರಾಚರಜಗನ್ನಾಥೇ ಜಗತ್ಪೂಜಿತೇ
ಆರ್ತಾಲೀವರದೇ ನತಾಭಯಕರೇ ವಕ್ಷೋಜಭಾರಾನ್ವಿತೇ|
ವಿದ್ಯೇ ವೇದಕಲಾಪಮೌಳಿವಿದಿತೇ ವಿದ್ಯುಲ್ಲತಾವಿಗ್ರಹೇ
ಮಾತಃ ಪೂರ್ಣಸುಧಾರಸಾರ್ದ್ರಹೃದಯೇ ಮಾಂ ಪಾಹಿ ಮೀನಾಮ್ಬಿಕೇ||೨||
ಕೋಟೀರಾಂಗದರತ್ನಕುಣ್ಡಲಧರೇ ಕೋದಣ್ಡಬಾಣಾಞ್ಚಿತೇ
ಕೋಕಾಕಾರಕುಚದ್ವಯೋಪರಿಲಸತ್ಪ್ರಾಲಮ್ಬಿಹಾರಾಞ್ಚಿತೇ|
ಶಿಞ್ಜನ್ನೂಪುರಪಾದಸಾರಸಮಣಿಶ್ರೀಪಾದುಕಾಲಙ್ಕೃತೇ
ಮದ್ದಾರಿದ್ರ್ಯಭುಜಙ್ಗಗಾರುಡಖಗೇ ಮಾಂ ಪಾಹೀ ಮೀನಾಮ್ಬಿಕೇ||೩||
ಬ್ರಹ್ಮೇಶಾಚ್ಯುತಗೀಯಮಾನಚರಿತೇ ಪ್ರೇತಾಸನಾನ್ತಸ್ಥಿತೇ
ಪಾಶೋದಙ್ಕುಶ ಚಾಪಬಾಣಕಲಿತೇ ಬಾಲೇನ್ದುಚೂಡಾಞ್ಚಿತೇ|
ಬಾಲೇ ಬಾಲಕುರಙ್ಗಲೋಲನಯನೇ ಬಾಲಾರ್ಕಕೋಟ್ಯುಜ್ಜ್ವಲೇ
ಮುದ್ರಾರಾಧಿತದೇವತೇ ಮುನಿಸುತೇ ಮಾಂ ಪಾಹೀ ಮೀನಾಮ್ಬಿಕೇ||೪||
ಗನ್ಧರ್ವಾಮರಯಕ್ಷಪನ್ನಗನುತೇ ಗಂಗಾಧರಾಲಿಙ್ಗಿತೇ
ಗಾಯತ್ರೀಗರುಡಾಸನೇ ಕಮಲಜೇ ಸುಶ್ಯಾಮಲೇ ಸುಸ್ಥಿತೇ|
ಖಾತೀತೇ ಖಲದಾರುಪಾವಕಶಿಖೇ ಖದ್ಯೋತಕೋಟ್ಯುಜ್ಜ್ವಲೇ
ಮನ್ತ್ರಾರಾಧಿತದೇವತೇ ಮುನಿಸುತೇ ಮಾಂ ಪಾಹೀ ಮೀನಾಮ್ಬಿಕೇ||೫||
ನಾದೇ ನಾರದತುಂಬುರಾದ್ಯವಿನುತೇ ನಾದಾಂತನಾದಾತ್ಮಿಕೇ
ನಿತ್ಯೇ ನೀಲಲತಾತ್ಮಿಕೇ ನಿರುಪಮೇ ನೀವಾರಶೂಕೋಪಮೇ|
ಕಾನ್ತೇ ಕಾಮಕಲೇ ಕದಮ್ಬನಿಲಯೇ ಕಾಮೇಶ್ವರಾಙ್ಕಸ್ಥಿತೇ
ಮದ್ವಿದ್ಯೇ ಮದಭೀಷ್ಟಕಲ್ಪಲತಿಕೇ ಮಾಂ ಪಾಹೀ ಮೀನಾಮ್ಬಿಕೇ||೬||
ವೀಣಾನಾದನಿಮೀಲಿತಾರ್ಥನಯನೇ ವಿಸ್ರಸ್ಥಚೂಲೀಭರೇ
ತಾಮ್ಬೂಲಾರುಣಪಲ್ಲವಾಧರಯುತೇ ತಾಟಙ್ಕಹಾರಾನ್ವಿತೇ|
ಶ್ಯಾಮೇ ಚನ್ದ್ರಕಲಾವತಂಸಕಲಿತೇ ಕಸ್ತೂರಿಕಾಫಾಲಿಕೇ
ಪೂರ್ಣೇ ಪೂರ್ಣಕಲಾಭಿರಾಮವದನೇ ಮಾಂ ಪಾಹೀ ಮೀನಾಮ್ಬಿಕೇ||೭||
ಶಬ್ದಬ್ರಹ್ಮಮಯೀ ಚರಾಚರಮಯೀ ಜ್ಯೋತಿರ್ಮಯೀ ವಾಙ್ಮಯೀ
ನಿತ್ಯಾನನ್ದಮಯೀ ನಿರಂಜನಮಯೀ ತತ್ತ್ವಂಮಯೀ ಚಿನ್ಮಯೀ|
ತತ್ತ್ವಾತೀತಮಯೀ ಪರಾತ್ಪರಮಯೀ ಮಾಯಾಮಯೀ ಶ್ರೀಮಯೀ
ಸರ್ವೈಶ್ವರ್ಯಮಯೀ ಸದಾಶಿವಮಯೀ ಮಾಂ ಪಾಹೀ ಮೀನಾಮ್ಬಿಕೇ||೮||
ಜಯ ಜಯ ಶಙ್ಕರ ಹರ ಹರ ಶಙ್ಕರ