মংত্ৰমাতৃকাপুষ্পমালাস্তৱঃ

কল্লোলোল্লসিতামৃতাব্ধিলহৰীমধ্য়ে ৱিৰাজন্মণি-

দ্ৱীপে কল্পকৱাটিকাপৰিৱৃতে কাদম্বৱাট্য়ুজ্জ্ৱলে|

ৰত্নস্তংভসহস্ৰনিৰ্মিতসভামধ্য়ে ৱিমানোত্তমে

চিন্তাৰত্নৱিনিৰ্মিতং জননি তে সিংহাসনং ভাৱয়ে||১||

এণাংকানলভানুমংডললসচ্ছ্ৰীচক্ৰমধ্য়ে স্থিতাং

বালাৰ্কদ্য়ুতিভাসুৰাং কৰতলৈঃ পাশাঙ্কুশৌ বিভ্ৰতীম|

চাপং বাণমপি প্ৰসন্নৱদনং কৌসুম্ভৱস্ত্ৰান্ৱিতাং

তাং ত্ৱাং চন্দ্ৰকলাৱতংসমকুটাং চাৰুস্মিতাং ভৱয়ে||২||

ঈশানাদিপদং শিৱৈকফলকং ৰত্নাসনং তে শুভং

পাদ্য়ং কুঙ্কুমচন্দনাদিভৰিতৈৰৰ্ঘ্য়ম সৰত্নাক্ষতৈঃ|

শুদ্ধৈৰাচমনীয়কং তৱ জলৈৰ্ভক্ত্য়া ময়া কল্পিতং

কাৰুণ্য়ামৃতৱাৰিধে তদখিলং সংতুষ্টয়ে কল্পতাম||৩||

লক্ষ্য়ে য়োগিজনস্য় ৰক্ষিতজগজ্জালে ৱিশালেক্ষণে

প্ৰালেয়াম্বুপটীৰকুঙ্কুমলসত্কৰ্পূৰমিশ্ৰোদকৈঃ|

গোক্ষীৰৈৰপি নাৰিকেলসলিলৈঃ শুদ্ধোদকৈৰ্মন্ত্ৰিতৈঃ

স্নানং দেৱি ধিয়া ময়ৈতদখিলং সংতুষ্টয়ে কল্পতাম||৪||

হ্ৰীংকাৰাঙ্কিতমন্ত্ৰলক্ষিততনো হেমাচলাত্সঞ্চিতৈঃ

ৰত্নৈৰুজ্জ্ৱলমুত্তৰীয়সহিতং কৌসুম্ভৱৰ্ণাংশুকম|

মুক্তাসংততিয়জ্ঞসূত্ৰমমলং সৌৱৰ্ণতন্তূদ্ভৱং

দত্তং দেৱি ধিয়া ময়ৈতদখিলং সন্তুষ্টয়ে কল্পতাম||৫||

হংসৈৰপ্য়তিলোভনীয়গমনে হাৰাৱলীমুজ্জ্ৱলাং

হিন্দোলদ্য়ুতিহীৰপূৰিততৰে হেমাঙ্গদে কঙ্কণে|

মঞ্জীৰৌ মণিকুণ্ডলে মকুটমপ্য়ৰ্ধেংদুচূডামণিং

নাসামৌক্তিকমঙ্গুলীয়কটকৌ কাঞ্চীমপি স্ৱীকুৰু||৬||

সৰ্ৱাঙ্গে ঘনসাৰকুঙ্কুমঘনশ্ৰীগন্ধপঙ্কাংকিতং

কস্তূৰীতিলকং চ ফালফলকে গোৰোচনাপত্ৰকম|

গণ্ডাদৰ্শনমংডলে নয়নয়োৰ্দিৱ্য়াঞ্জনং তেঽঞ্চিতং

কণ্ঠাব্জে মৃগনাভিপকমমলং ত্ৱত্প্ৰীতয়ে কল্পতাম||৭||

কল্হাৰোত্পলমল্লিকামৰুৱকৈঃ সৌৱৰ্ণপঙ্কেৰুহৈ-

ৰ্জাতীচম্পকমালতীৱকুলকৈৰ্মন্দাৰকুংদাদিভিঃ|

কেতাক্য়া কৰৱীৰকৈৰ্বহুৱিধৈঃ ক্লৃপ্তাঃ স্ৰজোমালিকাঃ

সঙ্কল্পেন সমৰ্পয়ামি ৱৰদে সন্তুষ্টয়ে গৃহ্য়তাম||৮||

হংতাৰং মদনস্য় নন্দয়সি য়ৈৰঙ্গৈৰনঙ্গোজ্জ্ৱলৈ

ৰ্য়ৈৰ্ভৃঙ্গাৱলিনীলকুংতলভৰৈৰ্বধ্নাসি তস্য়াশয়ম|

তানীমানি তৱাম্ব কোমলতৰাণ্য়ামোদলীলাগৃহা

ণ্য়ামোদায় দশাঙ্গগুগ্গুলুঘৃতৈৰ্ধূপৈৰহং ধূপয়ে||৯||

লক্ষ্মীমুজ্জ্ৱলয়ামি ৰত্ননিৱহোদ্ভাস্ৱত্তৰে মন্দিৰে

মালাৰূপৱিলম্বিতৈৰ্মণিময়স্তংভেষু সম্ভাৱিতৈঃ|

চিত্ৰৈৰ্হাটকপুত্ৰিকাকৰধৃতৈৰ্গৱ্য়ৈৰ্ঘৃতৈৰ্ৱৰ্ধিতৈ-

ৰ্দিৱ্য়ৈৰ্দীপগণৈৰ্ধিয়া গিৰিসুতে সন্তুষ্টয়ে কল্পতাম||১০||

হৰীংকাৰেশ্ৱৰি তপ্তহাটককৃতৈঃ স্থালীসহস্ৰৈৰ্ভৃতং

দিৱ্য়ান্নং ঘৃতসূপশাকভৰিতং চিত্ৰান্নভেদং তদা|

দুগ্দান্নং মধুশৰ্কৰাদধিয়ুতং মাণিক্য়পাত্ৰে স্থিতং

মাষাপূপসহস্ৰমংব সকলং নৈৱেদ্য়মাৱেদয়ে||১১||

সচ্ছায়ৈৰ্ৱৰকেতকীদলৰুচা তাম্বূলৱল্লীদলৈঃ

পূগৈৰ্ভূৰিগুণৈঃ সুগন্ধিমধুৰৈঃ কৰ্পূৰখণ্ডোজ্জ্ৱলৈঃ|

মুক্তাচূৰ্ণৱিৰাজিতৈৰ্বহুৱিধৈৰ্ৱক্ত্ৰাংবুজামোদনৈঃ

পূৰ্ণা ৰত্নকলাচিকা তৱ মুদে ন্য়স্তা পুৰস্তাদুমে||১২||

কন্য়াভিঃ কমনীয়কান্তিভিৰলঙ্কাৰামলাৰাৰ্তিকা-

পাত্ৰে মৌক্তিকচিত্ৰপঙ্ক্তিৱিলসত্কৰ্পূৰদীপালিভিঃ|

তত্তত্তালমৃদঙ্গগীতসহীতং নৃত্য়ত্পদাংভোৰুহং

মন্ত্ৰাৰাধনপূৰ্ৱকং সুৱিহিতং নীৰাজনং গৃহ্য়তাম||১৩||

 
লক্ষ্মীৰ্মৌক্তিকলক্ষকল্পিতসিতচ্ছত্ৰং তু ধত্তে ৰসা-

দিন্দ্ৰাণী চ ৰতিশ্চ চামৰৱৰে ধত্তে স্ৱয়ং ভাৰতী|

ৱীণামেণৱিলোচনাঃ সুমনসাং নৃত্য়ন্তি তদ্ৰাগৱ-

দ্ভাৱৈৰাঙ্গিকসাত্ত্ৱিকৈঃ স্ফুটৰসং মাতস্তদাকৰ্ণ্য়তাম||১৪||

হ্ৰীংকাৰত্ৰয়সংপুটেন মনুনোপাস্য়ে ত্ৰয়ীমৌলিভি-

ৰ্ৱাক্য়ৈৰ্লক্ষ্য়তনো তৱ স্তুতিৱিধৌ কো ৱাক্ষ মেতাংবিকে|

সল্লাপাঃ স্তুতয়ঃ প্ৰদক্ষিণশতং সঞ্চাৰ এৱাস্তু তে

সংৱেশো নমসঃ সহস্ৰমখিলং ত্ৱত্প্ৰীতয়ে কল্পতাম||১৫||

শ্ৰীমন্ত্ৰাক্ষতমালয়া গিৰিসুতাং য়ঃ পূজয়েচ্চেতসা

সংধ্য়াসু প্ৰতিৱাসৰং সুনিয়তস্তস্য়ামলং স্য়ান্মনঃ|

চিত্তাম্ভোৰুহমণ্টপে গিৰিসুতানৃত্তং ৱিধত্তে ৰসা-

দ্ৱাণী ৱকত্ৰসৰোৰুহে জলধিজা গেহে জগন্মঙ্গলা||১৬||

ইতিগিৰিৱৰপুত্ৰীপাদৰাজীৱভূষা

ভুৱনমমলয়ন্তী সূক্তিসৌৰভ্য়সাৰৈঃ|

শিৱপদমকৰন্দস্য়ংদিনীয়ং নিবদ্ধাং

মদয়তু কৱিভৃংগান্মাতৃকাপুষ্পমালা||১৭||

                        হৰ হৰ শংকৰ জয় জয় শংকৰ

                        হৰ হৰ শংকৰ জয় জয় শংকৰ