গৌৰীদশকম
লীলাৰব্ধস্থাপিতলুপ্তাখিললোকাং
লোকাতীতৈৰ্য়োগিভিৰন্তশ্চিৰমৃগ্য়াম|
বালাদিত্য়শ্ৰেণিসমানদ্য়ুতিপুংজাং
গৌৰীমম্বামম্বুৰুহাক্ষীমহমীডে||১||
প্ৰত্য়াহাৰধ্য়ানসমাধিস্থিতিভাজাং
নিত্য়ং চিত্তে নিৰ্ৱৃতিকাষ্টাং কলয়ংতীম|
সত্য়জ্ঞানানন্দময়ীং তাং তনুৰূপাং
গৌৰীমম্বামম্বুৰুহাক্ষীমহমীডে||২||
চন্দ্ৰাপীডানন্দিতমন্দস্মিতৱক্ত্ৰাং
চন্দ্ৰাপীডালংকৃতনীলালকশোভাম|
ইংদ্ৰোপেংদ্ৰাদ্য়ৰ্চিতপাদাম্বুজয়ুগ্মাং
গৌৰীমম্বামম্বুৰুহাক্ষীমহমীডে||৩||
আদিক্ষান্তামক্ষৰমূৰ্ত্য়া ৱিলসন্তীং
ভূতে ভূতে ভূতকদংবপ্ৰসৱিত্ৰীম|
শব্দব্ৰহ্মানংদময়ীং তাং তটিদাভাং
গৌৰীমংবামংবুৰুহাক্ষীমহমীডে||৪||
মূলাধাৰাদুত্থিতৱীথ্য়া ৱিধিৰন্ধ্ৰং
সৌৰং চান্দ্ৰং ৱ্য়াপ্য় ৱিহাৰজ্ৱলিতাঙ্গীম|
য়েয়ং সূক্ষ্মাত্সূক্ষ্মতনুস্তাং সুখৰূপাং
গৌৰীমংবামম্বুৰুহাক্ষীমহমীডে||৫||
নিত্য়ঃ শুদ্ধো নিষ্কল একো জগদীশঃ
সাক্ষী য়স্য়াঃ সৰ্গৱিধৌ সংহৰণে চ|
ৱিশ্ৱত্ৰাণক্ৰীডনলোলাং শিৱপত্নীং
গৌৰীমম্বামম্বুৰুহাক্ষীমহমীডে||৬||
য়স্য়াঃ কুক্ষৌ লীনমখণ্ডং জগদণ্ডং
ভূয়োভূয়ঃ প্ৰাদুৰভূদুত্থিতমেৱ|
পত্য়া সাৰ্ধং তাং ৰজতাদ্ৰৌ ৱিহৰন্তীং
গৌৰীমম্বামম্বুৰুহাক্ষীমহমীডে||৭||
য়স্য়ামোতং প্ৰোতমশেষং মণিমালা
সূত্ৰে য়দ্ৱত ক্ৱাপি চৰং চাপ্য়চৰং চ|
তামধ্য়াত্মজ্ঞানপদৱ্য়া গমনীয়াং
গৌৰীমম্বামম্বুৰুহাক্ষীমহমীডে||৮||
নানাকাৰৈঃ শক্তিকদম্বৈৰ্ভুৱনানি
ৱাপ্য় স্ৱৈৰং ক্ৰীডতি য়েয়ং স্ৱয়মেকা|
কল্য়াণীং তাং কল্পলতামানতিভাজাং
গৌৰীমম্বামম্বুৰুহাক্ষীমহমীডে||৯||
আশাপাশক্লেশৱিনাশং ৱিদধানাং
পাদাম্ভোজধ্য়ানপৰাণাং পুৰুষাণাম|
ঈশামীশাৰ্ধাঙ্গহৰাং তামভিৰামাং
গৌৰীমম্বামম্বুৰুহাক্ষীমহমীডে||১০||
প্ৰাতঃকালে ভাৱৱিশুদ্ধঃ প্ৰণিধানা-
দ্ভক্ত্য়া নিত্য়ং জল্পতি গৌৰীদশকং য়ঃ|
ৱাচাং সিদ্ধিং সংপদমগ্ৰ্য়াং শিৱভক্তিং
তশ্য়াৱশ্য়ং পৰ্ৱতপুত্ৰী ৱিদধাতি||১১||
জয় জয় শঙ্কৰ হৰ হৰ শঙ্কৰ